માવડી નું ઝાંઝર... ભક્તિ

*માવડી નું ઝાંઝર* ભક્તિ ગીત.. ૨૪-૩-૨૦૨૧

અલકમલકનું ચેહર મા નું ઝાંઝર,

ઝાંઝર રૂપા બા એ હરખે ઘડાવ્યુ;

ચેહર માવડી ને પેહરાવ્યુ  રે.

અલકમલકનું ચેહર મા નું ઝાંઝર,

નાયણ દાદાએ શ્રધ્ધાથી ઘડાવ્યુ;

ચેહર મા નાં  પગમાં પહેરાવ્યું રે,

ઝમક ઝમઝમ માવડી નું ઝાંઝરણું.

ભટ્ટ પરિવારમાં ચેહર મા રંગે રમે,

પેઢી દર પેઢીએ નવું ઝાંઝર બન્યું;

ભકિતથી ચેહર મા ને પેહરાવ્યુ રે.

અલકમલકનું ચેહર મા નું ઝાંઝર..

માઈ ભકત રમેશભાઈ એ ઘડાવ્યુ,

અંતરના ઓરતાથી મા ને પહેરાવ્યું;

ગોરના કુવે વાગે રૂડું માવડી નું ઝાંઝર.

અલકમલકનું ચેહર મા નું ઝાંઝર.

એમાં ઘૂઘરી છમ્ છમ્ થાય રે,

એમાં ચમકે રૂડી મીનાકારી રે;

આતો પેઢીઓ નું રૂડું ઝાંઝર રે.

અલકમલકનું ચેહર મા નું ઝાંઝર.

ભાવનાનાં હૈયાંનાં હેતે બનાવ્યું,

ઝાંઝર પહેરી ચેહર મા રંગે રમે રે;

આ જોઈ હરખે ભાવિક ભક્તો રે.

એ ઝાંઝર નાં ઠમકારે ધરા ધ્રુજે રે.

ભાવના ભટ્ટ અમદાવાદ.....

➖〰️➖〰️➖〰️➖〰️➖