અમારો હિંચકો... કવિતા

*અમારો હિંચકો* કવિતા... ૩-૪-૨૦૨૧

અમારો હિંચકો,

એ સુખ દુઃખનો સાથી,

અમારો હમદર્દ હિંચકો,

રાહ જુએ એ,

અમ યુગલની,

રોજ રાત્રે જમીને,

ધીમી ચાલે,

એકબીજાના,

સહારે હાથ પકડી,

ઓસરીમાં બાંધેલા એ હિંચકે,

બેસીને ધીમે-ધીમે હિચતા,

જૂની વાતો ને સંભારણા,

એજ સહારો આજનો.

એજ ભાવના સભર વાતો,

હિંચકે ઝુલતાં થાય,

આમજ ઘણીવાર મૌન બની,

એકમેકની હૂંફમાં ઝુલતાં,

ચંદ્રની ચાંદની નિહાળતા,

એ જોતાં ભીની આંખડી થાતી,

બસ પછી હિંચકે ઝુલતાં

રોજ નો સાથી હિંચકો

જિંદગીની પડાવ નો સહારો,

એકલો અટુલો

અમારો માનીતો હિંચકો....

ભાવના ભટ્ટ અમદાવાદ....

➖〰️➖〰️➖〰️➖〰️➖